कर्जतजवळील जामरुंग व ठाकूरवाडी स्थानकादरम्यान घाट परिसरातील मालगाडीचे काही डबे घसरल्यामुळे मध्य रेल्वेची वाहतूक विस्कळीत झाली. या अपघातामुळे मुंबई-पुणे रेल्वे सेवा विस्कळीत झाली आहे आणि एक्स्प्रेससह काही गाड्या रद्द करण्यात आल्या. तर, काही गाड्यांचे मार्ग बदलण्यात आले. या अपघातात मालगाडीचे सहा ते आठ डबे घसरले असून मुंबई-पुणे दरम्यान अधिक बस चालवण्याची विनंती मध्य रेल्वेने राज्य सरकारला केली.
