मुंबईकरांसाठी मोठी बातमी! माणगाव आणि रोहा स्थानकांवर तीन महत्त्वाच्या एक्स्प्रेस गाड्यांना थांबा मंजूर

मुंबई : कोकण रेल्वे मार्गावरील प्रवाशांसाठी दिलासादायक बातमी समोर आली आहे. केंद्रीय रेल्वेमंत्री अश्विनी वैष्णव (Ashwini Vaishnaw) यांनी मुख्यमंत्री देवेंद्र फडणवीस (CM Devendra Fadnavis) यांना पाठविलेल्या पत्राद्वारे माणगाव आणि रोहा रेल्वे स्थानकांवर तीन महत्त्वाच्या एक्स्प्रेस गाड्यांना थांबा मंजूर केल्याची माहिती दिली आहे. या निर्णयामुळे रायगड आणि कोकण परिसरातील हजारो प्रवाशांना मोठा फायदा होणार आहे.

कोणत्या गाड्यांना मिळाला थांबा?

रेल्वेमंत्र्यांच्या पत्रानुसार खालील गाड्यांना माणगाव आणि रोहा स्थानकांवर व्यावसायिक थांबा देण्यात आला आहे.

12133/12134 पुणे – मंगळुरू जंक्शन सुपरफास्ट एक्स्प्रेस
12431/12432 तिरुवनंतपुरम सेंट्रल – हजरत निजामुद्दीन राजधानी एक्स्प्रेस
12201/12202 लोकमान्य टिळक टर्मिनस – कोचुवेली गरीब रथ एक्स्प्रेस

फडणवीसांच्या मागणीला रेल्वे मंत्रालयाची सकारात्मक प्रतिक्रिया

मुख्यमंत्री देवेंद्र फडणवीस यांनी 25 मार्च 2026 रोजी रेल्वेमंत्र्यांना पत्र लिहून माणगाव आणि रोहा स्थानकांवर महत्त्वाच्या गाड्यांचे थांबे देण्याची मागणी केली होती. यावर सकारात्मक निर्णय घेत रेल्वे मंत्रालयाने संबंधित गाड्यांना थांबा मंजूर केला आहे.

🚉More connectivity for Konkan; 3 more new train stops at Sawantwadi !

Thank you , Hon Union Railway Minister Ashwini Vaishnaw ji for approving 3 new train stops, on my request at Sawantwadi Road Railway Station in Sindhudurg district.
The trains which will stop are:… pic.twitter.com/Id855KFPMK— Devendra Fadnavis (@Dev_Fadnavis) July 8, 2026

कोकणातील प्रवाशांना होणार मोठा लाभ

या निर्णयामुळे रायगड जिल्हा तसेच कोकणातील नागरिकांना लांब पल्ल्याच्या रेल्वे सेवांचा अधिक सुलभ लाभ मिळणार आहे. विशेषतः पुणे, दिल्ली, केरळ आणि कर्नाटककडे जाणाऱ्या प्रवाशांचा प्रवास अधिक सोयीचा होणार आहे.

पत्रातून अधिकृत माहिती

केंद्रीय रेल्वेमंत्री अश्विनी वैष्णव यांनी मुख्यमंत्री देवेंद्र फडणवीस यांना पाठविलेल्या अधिकृत पत्रात संबंधित गाड्यांना माणगाव आणि रोहा स्थानकांवर थांबा देण्यास मान्यता दिल्याचे नमूद केले आहे. त्यामुळे या निर्णयाला अधिकृत दुजोरा मिळाला आहे.