भारताचा माजी अष्टपैलू इरफान पठाण आणि सध्या युएईमध्ये आयोजीत आयपीएलमध्ये कॉमेंटेटर म्हणून काम करीत असलेले लंका प्रीमियर लीगमध्ये कँडी टस्कर्स फ्रँचायझीसाठी खेळणार असल्याचे त्याने सांगितले आहे. या संघात वेस्ट इंडीजचा ख्रिस गेल, कुसल परेरा, श्रीलंकेचा टी -२० तज्ज्ञ कुशल मेंडिस, नुवान प्रदीप आणि इंग्लंडचा वेगवान गोलंदाज लियाम प्लँकेट यांचा समावेश आहे. कॅंडी टस्कर्स संघाच्या प्रशिक्षक कर्मचार्यांमध्ये श्रीलंकेचा माजी कर्णधार हसन तिलकरत्ने यांचा समावेश आहे.
या वर्षाच्या सुरुवातीला आंतरराष्ट्रीय क्रिकेटच्या तिन्ही फॉर्मेटमधून निवृत्त झालेल्या इरफान पठाणने टीम इंडियाकडून २९ कसोटी, १२० एकदिवसीय आणि २४ टी -२० सामने खेळले आहेत. या प्रसंगी ते म्हणाले, “आमची नजर हि स्पर्धा जिंकण्यावर आहे.” मी एलपीएलमधील कँडी टस्कर्स फ्रँचायझीचा भाग झाल्याचा मला आनंद झाला आहे. आमच्या संघात काही सर्वोत्कृष्ट खेळाडूंचा समावेश आहे ज्यांच्यासह खेळणे मजेदार असेल.
कँडी फ्रँचायझीचे मालक सोहेल खान म्हणाले की, “इरफान पठाणचा संघात समावेश केल्याने संघ आणखी मजबूतच होणार नाही तर त्याचा अनुभव संपूर्ण संघासाठी खूप फायदेशीर ठरेल.” २१ नोव्हेंबर ते १३ डिसेंबर या कालावधीत होण्याचे वेळापत्रक आहे. संपूर्ण स्पर्धा दोन मैदानावर खेळला जाईल, ज्यात हम्बनटोटाचा महिंदा राजपक्षे आंतरराष्ट्रीय क्रिकेट स्टेडियम आणि कॅंडीचे पल्लकेले आंतरराष्ट्रीय क्रिकेट स्टेडियम आहे.
