इंडियन प्रीमियर लीगची १८ फेब्रुवारी रोजी होणाऱ्या लिलावासाठी (IPL auction 2021) १०९७ खेळाडूंनी नावनोंदणी केली असून यामध्ये वेस्ट इंडीजचे ५६, ऑस्ट्रेलियाचे ४२ आणि दक्षिण आफ्रिकेतील ३८ खेळाडूंचा समावेश आहे. खेळाडूंच्या नोंदणीची अंतिम तारीख गुरुवारी संपली होती.
या यादीमध्ये ज्यात भारताकडून खेळलेल्या २१ क्रिकेटपटूंसह एकूण २०७ आंतरराष्ट्रीय खेळाडूंचादेखील समावेश आहे. सहयोगी देशांतील २७ खेळाडूंनी नोंदणी केली आहे. या व्यतिरिक्त ८६३ असे खेळाडू आहेत ज्यांनी अद्याप आपल्या देशातील वरिष्ठ संघाचे प्रतिनिधित्व केले नाही. यात ७४३ भारतीय आणि ६८ विदेशी खेळाडूंचा समावेश आहे. ज्या भारतीय खेळाडूंनी देशाचे प्रतिनिधित्व केले नाही त्यांची संख्या 50 आहे, परंतु किमान एक IPL सामना त्यांनी खेळला आहे. या यादीत दोन परदेशी खेळाडूंचादेखील समावेश आहे.
IPL ने शुक्रवारी जाहीर केलेल्या निवेदनात म्हटले आहे की, ‘जर प्रत्येक फ्रेंचायझी आपल्या संघात जास्तीत जास्त २५ खेळाडू ठेवत असतील तर लिलावात ६२ खेळाडू खरेदी केले जातील (त्यातील २२ विदेशी खेळाडू असू शकतात).’
NEWS 🚨: 1097 players register for IPL 2021 Player Auction
More details👉 https://t.co/DSZC5ZzTWG pic.twitter.com/BLSAJcBhES
— IndianPremierLeague (@IPL) February 5, 2021
लीलाव भारत आणि इंग्लंड यांच्यातील दुसर्या कसोटी सामन्याच्या एक दिवसा नंतर स्थानिक वेळेनुसार दुपारी ३ वाजता ते सुरू होईल. किंग्ज इलेव्हन पंजाब सर्वाधिक ५३.२० कोटी रुपयांच्या लिलावात प्रवेश करेल. त्यानंतर रॉयल चॅलेंजर्स बंगळुरू (३५.९० कोटी), राजस्थान रॉयल्स (३४.८५ कोटी रुपये), चेन्नई सुपर किंग्ज (२२.९० कोटी), मुंबई इंडियन्स (१५.३५ कोटी रुपये), दिल्ली कॅपिटल (१२.९ कोटी) तथापि कोलकाता नाईट रायडर्स आणि सनरायझर्स हैदराबाद ( दोन्ही १०.७५ कोटी) क्रमांक येतो.
IPL २०२० मध्ये युएईमध्ये खेळला गेला होता, परंतु यावेळी तो भारतात होण्याची शक्यता आहे. स्टीव्ह स्मिथ आणि ग्लेन मॅक्सवेल सारख्या ऑस्ट्रेलियाच्या अव्वल खेळाडूंना २० जानेवारी रोजी राजस्थान रॉयल्स आणि किंग्ज इलेव्हन पंजाब संघाने सोडले. ज्या इतर प्रमुख खेळाडूंना त्यांच्या संघांनी वळगले त्यात ख्रिस मॉरिस, हरभजन सिंग आणि अॅरॉन फिंच यांचा समावेश आहे.
एकूण १३९ खेळाडूंना फ्रँचायझींनी त्यांच्या संघात राखून ठेवले होते, तर ५७ खेळाडू वगळण्यात आले होते. २८३ परदेशी खेळाडू ज्यांनी नोंदणी केली आहे, त्यांच्या देशानुसार संख्या खालीलप्रमाणे आहे – अफगाणिस्तान (३०), ऑस्ट्रेलिया (४२), बांगलादेश (५), इंग्लंड (२१), आयर्लंड (२), नेपाळ (८), नेदरलँड (१), न्यूझीलंड (२९) , स्कॉटलंड (७), दक्षिण आफ्रिका (३८), श्रीलंका (३१), युएई (९), अमेरिका (२), वेस्ट इंडिज (५६) आणि झिम्बाब्वे (२).
