पुण्यातील लोणावळा, मावळ परिसरात मुसळधार पाऊस पडल्याने अनेक नद्यांनी, नाल्यांनी धोक्याची पातळी ओलांडली. लोणावळ्यात २४ तासांत ३०१ तर पवनाधरण पाणलोट क्षेत्रात ११५ मिलिमीटर पावसाची नोंद झाली आहे. पिंपरी-चिंचवडसह मावळ वासियांची तहान भागवणाऱ्या पवना धरणात ३६.६५ टक्के पाणीसाठा झाला. या भागातील पूल पाण्याखाली गेल्याने या परिसरातील काही गावांचा संपर्क तुटला असून जनजीवन विस्कळीत झाले. लोणावळ्याजवळील भाजेलेणी धबधबा सायंकाळी पर्यटकांसाठी बंद करण्यात येणार असल्याची माहिती लोणावळा ग्रामीण पोलीस निरीक्षक दीपक लुकडे यांनी दिली.
