कोरोना योद्धाचे कर्तव्य निभावण्यासाठी बीएमसी शिक्षकाचा गोंदिया ते मुंबई 3 दिवस बाईकने प्रवास
मुंबई : मुंबई बीएमसी शाळेतील शिक्षक देवेंद्रकुमार नंदेश्वर यांनी कोरोना योद्धाचे कर्तव्य निभावण्यासाठी गोंदिया या मुळगावापासून कर्मभूमी मुंबईत तब्बल तीन दिवस प्रवास करून बाईकने प्रवास केला आहे.
कोरोनाव्हायरसच्या घटनांमुळे भीतीपोटी कोणीही मुंबईकडे जाण्यास तयार नव्हते. तेव्हा, महाराष्ट्राच्या सीमेपासून नंदेश्वरने आपल्या बाईकवरुन १,११० किलोमीटरचा प्रवास करून कोरोनाची नोकरी करण्यासाठी मुंबईत पोहचला.
नंदेश्वर विलेपार्ले (पश्चिम) येथील सन्यास आश्रमाजवळील बृहन्मुंबई महानगरपालिका (बीएमसी) शाळेत शिक्षक आहे. 29 वर्षीय शिक्षक नंदेश्वरने सांगितले की, त्यांनी 3 जून रोजी सकाळी 6 वाजता गोंदिया जिल्ह्यातील पळगाव सोडले आणि 5 जून रोजी दुपारी 3 वाजता मुंबईच्या शाळेत पोहोचले.
नांदेश्वर म्हणाले, “मी सार्वजनिक वाहतुकीचा शोध घेण्याचा प्रयत्न केला पण एकही वाहन सुविधा उपलब्ध नव्हती. मी खासगी वाहनांसाठीही प्रयत्न केला पण कोणीही मुंबईत येण्यास तयार नाही कारण शहर रेड झोनमध्ये असल्याने आणि मुंबईत कोरोनाचे रुग्ण वाढत असल्याने कोणीही मुंबईत येण्यास तयार नाहीत. असे त्याने सांगितले.
शेवटी मी स्वत: च्या खर्चाने माझ्या दुचाकीवरून प्रवास करण्याचा निर्णय घेतला. असे तो म्हणाला. “लॉकडाउन होण्यापूर्वी आपल्या कुटुंबासमवेत मूळ गावी गेलेल्या नंदेश्वरला मूळच्या पानगाव येथून मुंबईला जाण्यासाठी तीन दिवस लागले.
मुंबईला पोचल्यावर तो थेट त्याच्या शाळेत गेला. नंदेश्वर म्हणाले, सर्व हॉटेल, ढाबे आणि गेस्ट रूम बंद असल्याने “मी दोन रात्री महामार्गावर आणि रस्त्याच्या कोप-यावर झोपलो.
मात्र, कोरोना संकटात आपल्याकडून सेवा घडावी या तत्परतेने मी गाव सोडले. कारण, सुरूवातीच्या लॉकडाऊनमध्ये अत्यावश्यक सेवा वगळता सारेच बंद होते. मात्र, मे-अखेरीस, विलगीकरण केंद्रे, रुग्णालये आणि कंटेंटमेंट झोनमध्ये पहारेकरी म्हणून सेवा करण्यासाठी मला कोविड -19 ची जबाबदारी सोपविण्यात आली. मला कळले की मुंबईत बरीच प्रकरणे आहेत पण मनुष्यबळाचा अभाव आहे. मला माझ्या स्वत: च्या छोट्या मार्गाने कोरोना लढ्यात मदत करायची व त्यामध्ये हातभार लावायचा होता म्हणून मी माझ्या कुटुंबाला सोडले आणि मुंबईतील माझ्या शाळेत परत जायचे ठरविले, “असे नंदेश्वर यांनी सांगितले.
महानगरपालिकेचे प्रशासकीय अधिकारी निसार खान म्हणाले, “नंदेश्वरच्या अडचणी व जोखीम असूनही कोविड -19 योद्धा म्हणून काम करण्याचा त्यांनी निर्णय घेतला त्यांच्या प्रयत्नांचे आणि समर्पणाचे आम्ही कौतुक करतो.” परिस्थिती सुधारेपर्ंयत ते शाळेत राहतील आणि कोविड -19 च्या कामात मदत करेल असा दावा नंदेश्वर यांनी केला.
