गुरुवारी सायंकाळी चारच्या सुमारास रामटेक तालुक्यातील आसोली येथील जिल्हा परिषद शाळेच्या इमारतीवर वीज कोसळली.यात पहिली ते चवथी वर्गात शिकणारे ८ विद्यार्थी आणि विद्यार्थिनी जखमी झाले. यातील २ मुले गंभीर जखमी झाले. यात एक शिक्षिका देखील जखमी आहे. नयन कडबे व तेजू दूरबुडे, अशी गंभीर जखमी विद्यार्थ्यांची नावे असून शिक्षिका आणि इतर ६ विद्यार्थ्यांची नावे कळू शकली नाही.विजेच्या तडाख्याने शाळेच्या इमारतीला तडे गेले असून विद्युत पुरवठा करणाऱ्या तारा तुटल्या . या घटनेमुळे गावात भीतीचे वातावरण आहे. जखमी विद्यार्थी आणि शिक्षिकेवर रामटेक उपजिल्हा रुग्णालयात उपचार सुरू आहेत.
