मुंबईत आज ढगाळ वातावरण, पण समुद्रकिनारी जाणाऱ्यांना BMC कडून महत्वाची सूचना
मुंबई आणि उपनगरांमध्ये आज दिवसभर ढगाळ वातावरण राहण्याची शक्यता असून अनेक भागांत हलका ते मध्यम पाऊस पडण्याचा अंदाज वर्तविण्यात आला आहे. काही ठिकाणी मुसळधार पावसाच्या सरी कोसळू शकतात. याशिवाय विजांचा कडकडाट आणि ताशी 40 ते 50 किलोमीटर वेगाने सोसाट्याचा वारा वाहण्याची शक्यता असल्याने नागरिकांना सतर्क राहण्याचे आवाहन करण्यात आले आहे.
मुंबईसाठी पावसाचा इशारा
बृहन्मुंबई महानगरपालिकेने (BMC) जारी केलेल्या हवामान अंदाजानुसार, शहर आणि उपनगरांमध्ये आकाश सामान्यतः ढगाळ राहील. अधूनमधून हलका ते मध्यम स्वरूपाचा पाऊस पडेल, तर काही भागांत मुसळधार पावसाची शक्यता आहे. सकाळपासूनच हवामानात बदल जाणवत असून पुढील काही तासांत पावसाचा जोर वाढू शकतो, असा अंदाज व्यक्त करण्यात आला आहे.
विजांचा कडकडाट आणि वेगवान वाऱ्याचा इशारा
पावसासोबतच काही भागांत विजांचा कडकडाट होण्याची शक्यता आहे. तसेच ताशी 40 ते 50 किलोमीटर वेगाने वारे वाहू शकतात. खुल्या जागांमध्ये उभे राहणे, झाडांखाली आश्रय घेणे किंवा समुद्रकिनाऱ्यालगत जाणे टाळण्याचा सल्ला प्रशासनाने दिला आहे.
भरती-ओहोटीची वेळ
बीएमसीने समुद्रातील भरती आणि ओहोटीबाबतची माहितीही जाहीर केली आहे.यासोबत हाय टाइडच्या काळात समुद्रकिनारी जाणाऱ्या नागरिकांनी विशेष काळजी घेण्याचे आवाहन करण्यात आले आहे.
दुपारी 12.22 वाजता ओहोटी – 2.32 मीटर
सायंकाळी 6.01 वाजता भरती –3.62 मीटर
मध्यरात्री 1.06 वाजता (10 जुलै) ओहोटी –1.94 मीटर
शहर आणि उपनगरांमध्ये आकाश सामान्यतः ढगाळ राहील. अधूनमधून हलका ते मध्यम स्वरूपाचा तर काही ठिकाणी मुसळधार पावसाची शक्यता आहे. तसेच, विजांचा कडकडाट आणि अधूनमधून ताशी ४०-५० कि.मी. वेगाने सोसाट्याचा वारा वाहण्याची शक्यता आहे.
———
Generally cloudy sky with intermittent light to… pic.twitter.com/aYOFv8mym5— माझी Mumbai, आपली BMC (@mybmc) July 9, 2026
प्रशासन सतर्क
मुंबईत गेल्या काही दिवसांपासून सुरू असलेल्या पावसामुळे विविध यंत्रणा सतर्क ठेवण्यात आल्या आहेत. सखल भाग, समुद्रकिनारी क्षेत्रे आणि वाहतूक कोंडी होण्याची शक्यता असलेल्या ठिकाणांवर प्रशासनाचे विशेष लक्ष आहे. आपत्कालीन परिस्थितीत नागरिकांनी बीएमसीच्या 1916 हेल्पलाइनवर संपर्क साधावा, असे आवाहन करण्यात आले आहे.
नागरिकांना खबरदारीचा सल्ला
हवामान विभागाच्या अंदाजानुसार, पावसाचा जोर काही ठिकाणी वाढू शकतो. त्यामुळे अत्यावश्यक कामाशिवाय बाहेर पडणे टाळावे, वाहतूक स्थितीची माहिती घेऊनच प्रवास करावा आणि हवामानविषयक अधिकृत सूचनांकडे लक्ष ठेवावे, असे आवाहन प्रशासनाने केले आहे.
